રાજ્યમાં મહિલા સલામતીની મસમોટી વાતો તો કરવામાં આવે છે. પરંતુ શું હકીકતમાં મહિલાઓ સલામત છે. અરે મહિલાઓ તો દૂરની વાત અહી બાળકીઓ પણ સલામત ના હોવાની ઘટના સામે આવે છે. અમદાવાદના ચાંદખેડા વિસ્તારમાં બાળકી સાથે વૃદ્ધે ચાલુ લીફ્ટમાં અડપલા કર્યા છે જેનો વીડિયો સામે આવ્યો છે. આ વીડિયો જોઈ સૌ કોઈના રુંવાટા ઉભા થઇ જશે.
અમદાવાદમાં વૃદ્ધે વટાવી હેવાનીયતની તમામ હદ, પૌત્રીની ઉંમરની બાળકી સાથે કર્યા શારીરિક અડપલા#ahmedabad #childabuse #Viral #ViralVideo #LIFT #Gujarat #GujaratiNews #Humdekhhengenews pic.twitter.com/MQ1AKlf5cg
— Hum Dekhenge News (@humdekhengenews) September 8, 2022
વૃદ્ધે વટાવી હેવાનિયતની તમામ હદ
અમદાવાદના ચાંદખેડા વિસ્તારમાં 62 વર્ષીય વૃદ્ધે હેવાનિયતની હદ વટાવી દીધી હોવાની ઘટના સામે આવી છે. નવ વર્ષની બાળકી શાળાએથી પરત ફરી લિફ્ટમાં પોતાના ઘરે જઈ રહી હતી તે સમયે લિફ્ટમાં બાળકીની એકલતાનો લાભ લઈને વૃદ્ધે તેની સાથે અડપલાં કર્યા હતા. જોકે આ ઘટના સંદર્ભે બાળકીએ માતા-પિતાને જાણ કરતા પોલીસ ફરિયાદ નોંધાતા ચાંદખેડા પોલીસે આરોપીની ધરપકડ કરી છે.
લીફ્ટમાં વૃદ્ધે કર્યા બાળકી સાથે અડપલા
વીડિયોમાં જોવા મળતા આ વૃદ્ધનું નામ ભાનુપ્રતાપ રાણા છે. તેની ઉમર 62 વર્ષની છે. વીડિયોમાં સ્પષ્ટ જોવા મળી રહ્યું છે કે વુદ્ધ બાળકીને વાતોમાં ફોસલાવી રહ્યો છે અને સાથે સાથે શારીરિક અડપલા પણ કરી રહ્યો છે. આ સમગ્ર ઘટના લીફ્ટના સીસીટીવીમાં કેદ થઇ ગઈ છે. બાળકીએ ઘરે આવીને સમગ્ર ઘટનાની તેની માતાને જાણ કરી હતી. ઘટનાની જાણ થતા જ માતા આવાક રહી ગઈ હતી અને બાળકીને લઈને પરિવાર સાથે પોલીસ સ્ટેશન પહોંચી હતી. પોલીસ પણ સમગ્ર ઘટના જાણી દંગ રહી ગઈ હતી. અને તાત્કાલિક આરોપી વૃદ્ધ સામે કાર્યવાહી હાથ ધરી હતી.
પોલીસે નરાધમ વૃદ્ધને કર્યો જેલહવાલે
આથી આ ઘટના સંદર્ભે ચાંદખેડા પોલીસ સ્ટેશનમાં ભાનુપ્રતાપ રાણા નામના આરોપી સામે પોકસોની કલમો હેઠળ ફરિયાદ નોંધાતા પોલીસે આરોપીને અટકાયત કરી ધરપકડ કરવાની તજવીજ શરૂ કરી છે. મહત્વનું છે કે પોલીસની પ્રાથમિક તપાસમાં સામે આવ્યુ કે આરોપી પત્ની અને દીકરા સાથે રહે છે. ત્યારે આ મામલે પોલીસે આરોપીનો મોબાઇલ ફોન પણ કબજે કરી એફએસએલમાં મોકલ્યો છે અને આરોપીએ અગાઉ કોઈપણ બાળકી સાથે આ પ્રકારે દુષ્કૃત્ય કર્યું છે કે કેમ તે દિશામાં પૂછપરછ હાથ ધરવામાં આવી છે.
