વાડીમાં લાઈટના અજવાળે જાહેરમાં જુગાર રમતા 5 શખ્સો ઝડપાયા

સિહોર પોલીસ સ્ટેશનના સ્ટાફના માણસો ગ્રામ્ય વિસ્તારોમાં પેટ્રોલીંગમાં હતા, તે દરમ્યાન ખાખરીયા ગામની નદી પાસે આવેલ વાડીમાં લાઈટના અજવાળે જાહેરમાં જુગાર રમતા પાચ શખ્સોને રોકડ સાથે ઝડપી લઈ કાયેદસરની કાર્યવાહી હાથ ધરી હતી.

વાડીની લાઈટના અજવાળે જાહેરમાં રમતા હતા જુગાર:

સમગ્ર બનાવ અંગે સિહોર પોલીસ મથકેથી જાણવા મળતી વિગતો અનુસાર સિહોર પોલીસ સ્ટેશનના સ્ટાફના માણસો ગ્રામ્ય વિસ્તારોમાં પેટ્રોલીંગમા હતા તે દરમિયાન ખાખરીયા ગામ પાસે આવતા ચોક્કસ બાતમી મળી હતી કે, ખાખરીયા ગામની નદીમાં આવેલ ડોલરીયા દાદાની પાસે ડેરી પાસે અમુક માણસો વાડીની લાઈટના અજવાળે જાહેરમાં કેટલાક શખ્સો પૈસા-પાનાં વડે તિનપત્તિનો હારજીતનો જુગાર રમે છે. જે હકીકત આધારે ટીમે બાતમીવાળા સ્થળે રેડ કરી જુગારની બાજીમા મગ્ન બનેલા આઠ શખ્સોની ધડપકડ કરી હતી.

આ પણ વાંચો: સોનુ સૂદનો વિડીયો થયો વાયરલ, રસ્તા પર મજૂરોને બીડી પીતા જોઈ, જુઓ અભિનેતાએ શું કર્યું

આ 5 શખ્સોની જાહેરમાં જુગાર રમવામાં અટકાયત કરી:

​​​​​​​અરવિંદ પોપટભાઈ કોરાળા ઉ.મ.43, રાજુ ઉર્ફે ખાન ભીખુભાઈ જુનેજા ઉ.મ.41, વિનુ ભોપાભાઈ કુવાડીયા ઉ.મ.45, મેરાભાઈ રામાભાઇ કુવાડીયા ઉ.મ.47 તથા ગિલાભાઇ પાંચાભાઇ કુવાડીયા ઉ.મ.35 પાંચ શખ્સો ઝડપાયા હતા જ્યારે ત્રણ શખ્સો નાસી છૂટવા સફળ રહ્યા હતા જે અંગે પૂછતાં જેમાં યોગેશ ભરતભાઈ મેર, મનુભાઈ ભરતભાઈ ચેડાસમા તથા જીતુ વલ્લભભાઈ રાઠોડ નાસી છૂટ્યા હતા, જેમાં જુગારના પટમાં પડેલ રોકડા રૂપિયા 18,210 તથા એક્ટિવા મોટર સાઈકલ કી.રૂ.50 હજાર સહિત કુલ 68,210ના મુદ્દામાલ સાથે ઝડપી લઈ તમામ વિરુદ્ધ સિહોર પોલીસ સ્ટેશનમાં ગુન્હો નોંધી વધુ તપાસ હાથ ધરી છે.

આ પણ વાંચો: રાજસ્થાનના માનગઢ ખાતે આદિવાસી સમાજનું મહાસંમેલન યોજાયું, ચૈતર વસાવાએ હુંકાર કરતાં કહ્યું કે ભીલપ્રદેશ બનાવીને જ રહીશું