સ્કૂલ બસ પલટી જતાં 5 બાળકોના મૃત્યુ, 15 ગંભીર રીતે ઘાયલ
- ડ્રાઈવર દારૂના નશાની હાલતમાં ચલાવી રહ્યો હતો બસ
મહેન્દ્રગઢ(હરિયાણા), 11 એપ્રિલ: હરિયાણાના મહેન્દ્રગઢ જિલ્લામાં એક ભયાનક માર્ગ અકસ્માતમાં પાંચ બાળકોના મૃત્યુ થયા છે. જ્યારે અનેક બાળકો ઘાયલ થયા છે. આજે ગુરુવારે સવારે એક ખાનગી શાળાની બસે કાબુ ગુમાવ્યો હતો અને પલટી મારી ગઈ હતી. આ અકસ્માત કનિના દાદરી રોડ પર કનિના નગર પાસે થયો હતો. એક પોલીસ અધિકારીએ જણાવ્યું હતું કે, માર્ગ અકસ્માતમાં પાંચ બાળકો માર્યા ગયા છે જ્યારે 25-30 બાળકો ઘાયલ થયા છે. જેમાં 15 બાળકોને ગંભીર ઈજાઓ પહોંચી છે. બસમાં 30 જેટલા બાળકો સવાર હતા. આ સ્કૂલ બસનો ડ્રાઈવર દારૂના નશામાં બસ ચલાવી રહ્યો હોવાનું જાણવા મળ્યું છે.
HARYANA – Bus Carrying School Children Overturns:
• 6 children were killed after a school bus overturned in Narnaul
• 12 injured students shifted to a local govt hospital
• Over 20 children were onboard the private school bus
• Police investigating cause of the accident pic.twitter.com/KoqMG7OTjp— 𝗡 𝗢 𝗜 𝗦 𝗘 ⚡ A L E R T S (@NoiseAlerts) April 11, 2024
ઘણા ઘરોમાં શોક ફેલાયો
અકસ્માતમાં ઘાયલ બાળકોને સ્થાનિક હોસ્પિટલમાં દાખલ કરવામાં આવ્યા છે. અકસ્માતમાં માર્યા ગયેલા બાળકોના પરિવારજનોના ઘરોમાં શોકનો માહોલ છે. મળતી માહિતી મુજબ, બસ ખૂબ જ સ્પીડમાં હતી. આ અકસ્માતમાં અનેક બાળકોને ગંભીર ઈજાઓ પણ થઈ છે. આવા ભયાનક અકસ્માત બાદ હોબાળો મચી ગયો હતો. સ્થાનિક લોકોની મદદથી ઘાયલોને તાત્કાલિક હોસ્પિટલ લઈ જવામાં આવ્યા હતા.
#WATCH | Five students dead, 15 injured after a private school bus meets with an accident in Mahendragarh’s Kanina, in Haryana. pic.twitter.com/jhRvJo0hXg
— ANI (@ANI) April 11, 2024
ગંભીર રીતે ઘાયલ બાળકોને રોહતક PGIમાં રીફર કરવામાં આવ્યા
પ્રાપ્ત માહિતી અનુસાર, બસ કનિનાની જી.એલ. પબ્લિક સ્કૂલની હતી. ઉન્હાણી ગામ પાસે નાના બાળકોને લઈ જતી બસને અકસ્માત નડ્યો હતો. આ અકસ્માતમાં 5 વિદ્યાર્થીઓના મોત થયા હતા અને 15 ઘાયલ થયા હતા. ગંભીર રીતે ઘાયલ બાળકોને રોહતક પીજીઆઈમાં રીફર કરવામાં આવ્યા છે. ઉલ્લેખનીય છે કે, ઈદ પર સરકારી રજા હોવા છતાં રાજ્યભરમાં ઘણી ખાનગી શાળાઓ ચાલુ છે. જી.એલ. પબ્લિક સ્કૂલમાં પણ આજે રજા નહોતી.
Haryana | “Four students were brought dead and one critical student who was put on a ventilator passed away at the hospital.15 injured students have been referred to another hospital. SDM and administration present,” says Dr Ravi Kaushik, Nihal hospital, Mahendragarh. pic.twitter.com/K8nWm09rep
— ANI (@ANI) April 11, 2024
બસ ડ્રાઈવરને પોલીસ દ્વારા કસ્ટડીમાં લેવામાં આવ્યો
ઉલ્લેખનીય છે કે, સ્કૂલ બસનો ડ્રાઈવર દારૂના નશાની હાલતમાં બસ ચલાવી રહ્યો હતો. પોલીસે આ આરોપી ડ્રાઈવરને કસ્ટડીમાં લઈ મેડિકલ તપાસ માટે મહેન્દ્રગઢ સિવિલ હોસ્પિટલમાં મોકલ્યો છે. હાલ મામલાની તપાસ ચાલી રહી છે. હજુ સુધી આ અંગે શાળા પ્રશાસન તરફથી કોઈ નિવેદન બહાર આવ્યું નથી.
આ પણ જુઓ: જમ્મુ-કાશ્મીરના પુલવામામાં સુરક્ષાદળો-આતંકીઓ વચ્ચે અથડામણ, એક આતંકવાદી ઠાર
