ઉત્તરાખંડની હલ્દવાની જેલમાં એક મહિલા સહિત 44 કેદીઓ HIV પોઝીટીવ
- પોઝિટિવ દર્દીઓની સુશીલા તિવારી હોસ્પિટલમાં સારવાર
- એચઆઈવીના દર્દીઓ માટે એઆરટી સેન્ટર શરૂ કરવામાં આવ્યું
- જેલ પ્રશાસન આ મામલે કંઈ બોલવા તૈયાર નથી
ઉત્તરાખંડની હલ્દવાની જેલમાં એક મહિલા સહિત 44 કેદીઓ HIV પોઝીટીવ મળી આવ્યા છે. તપાસમાં 44 કેદીઓ એચઆઈવી પોઝીટીવ હોવાનું બહાર આવતા જેલ પ્રશાસનમાં દોડધામ મચી ગઈ હતી. જો કે જેલ પ્રશાસન આ મામલે કંઈ બોલવા તૈયાર નથી. તમામ પોઝિટિવ દર્દીઓને સુશીલા તિવારી હોસ્પિટલમાં સારવાર આપવામાં આવી રહી છે.
મહિનામાં બે વખત રૂટીન ચેકઅપ
ડો. પરમજીત સિંહે જણાવ્યું કે, હોસ્પિટલની ટીમ મહિનામાં બે વખત રૂટીન ચેકઅપ માટે જેલમાં જાય છે અને તમામ કેદીઓની તપાસ કરવામાં આવે છે. જેમને થોડી પણ તકલીફ હોય તેમને દવા આપીને સ્થળ પર જ મટી જાય છે. જેમને વધુ તકલીફ હોય તેમને હોસ્પિટલમાં સારવાર આપવામાં આવે છે. જેલ પ્રશાસન દ્વારા કેદીઓની નિયમિત તપાસ પણ કરવામાં આવી રહી છે, જેથી એચઆઈવી સંક્રમિત કેદીઓની સમયસર સારવાર થઈ શકે. એચઆઈવીના દર્દીઓ માટે એઆરટી સેન્ટર શરૂ કરવામાં આવ્યું છે.
એઈડ્સ થવાના ઘણા કારણો : ડો.પરમજીત સિંહ
સુશીલા તિવારી હોસ્પિટલના ડો. પરમજીત સિંહે જણાવ્યું કે એચઆઈવી એઈડ્સ થવાના ઘણા કારણો હોઈ શકે છે જે કોઈ એક પાસામાં સ્પષ્ટપણે જોવા ન જોઈએ. જેલમાં એચઆઈવી પોઝીટીવ જોવા મળતા કોઈપણ કેદીને મફત સારવાર અને દવાઓ આપવામાં આવે છે. જોકે, વહીવટી તંત્રએ આ મામલે કંઈપણ કહેવાનો ઈન્કાર કર્યો છે. જો કે આ મામલે જેલ પ્રશાસન પર અનેક સવાલો ઉઠી રહ્યા છે.
