TMCના 38 ધારાસભ્યો ભાજપના સંપર્કમાં…’, મિથુન ચક્રવર્તીનો મોટો દાવો
ફિલ્મસ્ટાર અને બીજેપી નેતા મિથુન ચક્રવર્તીએ મોટો દાવો કર્યો છે. તેમણે સંકેત આપ્યા છે કે પશ્ચિમ બંગાળમાં મહારાષ્ટ્ર જેવું રાજકીય પરિવર્તન થઈ શકે છે. મિથુનનું કહેવું છે કે, મમતા બેનર્જીની પાર્ટી ટીએમસીના 38 ધારાસભ્યો ભાજપના સંપર્કમાં છે.
જ્યારે મિથુનને આ વિશે વધુ માહિતી પૂછવામાં આવી તો તેણે કહ્યું કે, ફિલ્મ પહેલા મ્યુઝિક અને પછી ટ્રેલર રિલીઝ થાય છે. સંગીત હમણાં જ રિલીઝ થયું છે. હવે ટ્રેલરની રાહ જુઓ.
હું મુંબઈમાં સૂતો હતો. જ્યારે હું જાગ્યો અને અચાનક સમાચાર જોયા, ભાજપ અને શિવસેનાની સરકાર બની ગઈ છે. શું થયું. તે અહીં બંગાળમાં પણ થઈ શકે છે. તે અહીં ન થઈ શકે, હું માનતો નથી.-મિથુન ચક્રવર્તી
એ પત્રકાર પરિષદમાં જણાવ્યું હતું
મિથુન ચક્રવર્તીએ એમ પણ કહ્યું કે, ભાજપને મુસ્લિમ વિરોધી કહેવું માત્ર એક ષડયંત્ર છે, જ્યારે વાસ્તવમાં એવું કંઈ નથી.
મિથુન ચક્રવર્તી ગયા વર્ષે જ ભારતીય જનતા પાર્ટીમાં જોડાયા હતા. હવે પ્રેસ કોન્ફરન્સમાં તેણે અનેક સવાલોના જવાબ આપ્યા છે. જ્યારે ભાજપની મુસ્લિમ વિરોધી છબી પર સવાલ કરવામાં આવ્યો ત્યારે મિથુને કહ્યું કે, હંમેશા એવો આરોપ લગાવવામાં આવ્યો છે કે ભાજપ રમખાણો કરાવે છે. પરંતુ હું સ્પષ્ટપણે કહું છું કે આ માત્ર કાવતરાનો એક ભાગ છે.
#WATCH | West Bengal: Do you want to hear breaking news? At this moment, 38 TMC MLAs have very good relations with us, out of which 21 are in direct (contact with us): BJP leader Mithun Chakraborty in Kolkata pic.twitter.com/1AI7kB4H5I
— ANI (@ANI) July 27, 2022
સલમાન, શાહરૂખ અને આમિરના નામ
મિથુને વધુમાં કહ્યું કે, ભાજપને મુસ્લિમો વિરુદ્ધ કહેવામાં આવે છે. પણ એવું કેમ છે? તેણે કહ્યું કે ભારતના ત્રણ મોટા સ્ટાર સલમાન ખાન, શાહરૂખ ખાન અને આમિર ખાન મુસ્લિમ છે. આ કેવી રીતે શક્ય બન્યું?
મિથુને કહ્યું, ‘ભાજપની 18 રાજ્યોમાં સરકાર છે. જો ભાજપ તેમને નફરત કરે છે અને હિંદુઓ તેમને પ્રેમ નથી કરતા, તો આ ત્રણ સ્ટાર્સની ફિલ્મો આ રાજ્યો કરતા વધુ કલેક્શન કેવી રીતે કરે છે? મિથુને વધુમાં કહ્યું કે, હું જ્યાં છું ત્યાં પહોંચી શક્યો કારણ કે હિન્દુ, મુસ્લિમ, શીખ બધા મને પ્રેમ કરે છે.
EDની કાર્યવાહી પર મિથુને આ વાત કહી
મિથુન ચક્રવર્તીએ બંગાળમાં તાજેતરની EDની કાર્યવાહી અંગે પણ વાત કરી હતી. તેમણે કહ્યું કે જો કોઈ પુરાવા નથી તો ડરવાની કોઈ વાત નથી. જો કોઈએ ખોટું કર્યું હોય તો તેને કોઈ શક્તિ બચાવી શકતી નથી.
જણાવી દઈએ કે EDએ મમતા સરકારના મંત્રી પાર્થ ચેટરજીની ધરપકડ કરી છે. ચેટર્જી તેની નજીકની સહયોગી અર્પિતા મુખર્જીની ધરપકડ બાદ પકડાયા હતા. અર્પિતા મુખર્જીના ઘરેથી 20 કરોડ રૂપિયાની રોકડ મળી આવી હતી. EDનું કહેવું છે કે, આ પૈસા શિક્ષક કૌભાંડ સાથે સંબંધિત છે. આ કૌભાંડ પાર્થ ચેટરજી જયારે શિક્ષણ મંત્રી હતા તે દરમિયાન થયું હતું. મિથુને દાવો કર્યો હતો કે, શિક્ષક ભરતી કૌભાંડ 100 કરોડનું નહીં પરંતુ 2 હજાર કરોડનું હતું.
