America & Swedenમાં ફાયરિંગમાં 3ના મોત, શું કહ્યું પોલીસે?
અમેરિકામાં બે જગ્યાએ જાહેરમાં ફાયરિંગના સમાચાર સામે આવી રહ્યા છે. અહીં આ ઘટનામાં બે લોકોના મોત થયા હતા અને અન્ય એક ઘટનામાં નવ લોકો ઘાયલ થયા હતા. સ્વીડનમાં પણ ગોળીબારની ઘટના બની છે જેમાં એક 15 વર્ષના છોકરાનું મોત થયું છે.
સ્વીડનમાં થયો ગોળીબાર
વિશ્વના ઘણા દેશોમાં જાહેરમાં ફાયરિંગના કિસ્સાઓ સામે આવી રહ્યા છે. અમેરિકામાં અવારનવાર જાહેર સ્થળો પર ફાયરિંગની ઘટનાઓ સામે આવે છે. આ વખતે શાંતિપ્રિય દેશ સ્વીડનમાં ગોળીબાર થયો છે. જેમાં 15 વર્ષના છોકરાનું મોત થયું હતું. જોકે ફાયરિંગ પાછળનો હેતુ શું છે. કોઈ અંગત અદાવત હતી કે હુમલાખોર મોટું નુકશાન કરવાના ઈરાદે આવ્યો હતો. આ તમામ સવાલોના જવાબ પોલીસ શોધી રહી છે. હજુ સુધી આ કેસમાં કોઈ ચોક્કસ માહિતી પ્રાપ્ત થઈ નથી. આ સિવાય અમેરિકામાં પણ બે જગ્યાએ ફાયરિંગની ઘટના બની છે. જેમાં બે લોકોના મોત થયા હતા અને નવ લોકો ઘાયલ થયા હતા.
આ પણ વાંચો: મોઝામ્બિકનો Ruby Dimond કેમ આટલો મોંઘો વેચાયો?
શું કહ્યુ સ્વીડિશ પોલીસે?
આ ઘટનાને લઈને સ્વીડિશ પોલીસે જણાવ્યું કે સાંજે તેમને દક્ષિણ સ્ટોકહોમના એક સ્ક્વેર પાસે ગોળીબારની માહિતી મળી હતી. જ્યારે અમે સ્થળ પર પહોંચ્યા ત્યારે બે લોકોને ગોળી વાગી હતી. એક છોકરાનું સારવાર દરમિયાન મોત થયું છે. જ્યારે બીજાને હોસ્પિટલમાં દાખલ કરવામાં આવ્યો હતો. સ્ટોકહોમ પોલીસના પ્રવક્તા ટોવ હાગે જણાવ્યું કે મૃત્યુ પામનાર છોકરો 15 વર્ષનો હતો. ઘાયલ થયેલ અન્ય વ્યક્તિની ઉંમર 45 વર્ષ છે અને એક મહિલા કે જેને ગોળી વાગી છે તે 65 વર્ષની છે.
ફાયરિંગ કરીને હુમલાખોરો ભાગી ગયા હતા પરંતુ પોલીસથી તેઓ બચી શક્યા ન હતા. એક કલાક સુધી પોલીસને ચકમો આપ્યા બાદ આખરે આરોપીની ધરપકડ કરવામાં આવી છે. પોલીસે જણાવ્યું કે તેઓએ આરોપીની તપાસ શરૂ કરી દીધી છે.
અમેરિકાના કેન્સાસમાં ફાયરિંગ
અમેરિકાના કેન્સાસમાં પણ એક ઘટના સામે આવી છે. અહીં ગોળીબારમાં 2 લોકોના મોત થયા છે. જ્યારે એક વ્યક્તિ ઘાયલ થઈ છે. ઇસ્ટ કેન્સાસ સિટીના એક રેસ્ટોરન્ટમાં રાત્રે 9 વાગ્યાની આસપાસ ગોળીબાર થયો હતો.
USના સાન ફ્રાન્સિસ્કોમાં પણ ફાયરિંગ
સાન ફ્રાન્સિસ્કોમાં પણ ઓપન ફાયરિંગની ઘટના સામે આવી છે. અહીં 9 લોકો ઘાયલ થયા છે. ઘટનાને લઈને પોલીસનું કહેવું છે કે દરેક ઘાયલનો જીવ બચી જવાની આશા છે. પોલીસે જણાવ્યું કે આ ફાયરિંગ ટાર્ગેટ જેવું લાગે છે. હજુ સુધી કોઈની ધરપકડ કરવામાં આવી નથી. સાન ફ્રાન્સિસ્કો ક્રોનિકલે અહેવાલ આપ્યો છે કે રાત્રે 9 વાગ્યા પછી 24મી સ્ટ્રીટ અને ટ્રીટ એવન્યુના ચાર રસ્તા પાસેની કપડાંની દુકાનમાં પાર્ટી ચાલી રહી હતી. આ દરમિયાન ગોળીબાર થયો હતો.
આ પણ વાંચો: જાપાનના ટોક્યોમાં ટકરાયા 2 પેસેન્જર પ્લેન! 400 મુસાફરો હતા સવાર
