રાજ્યસભામાં ચૂંટાયેલા સભ્યોએ લીધા શપથ, 27 સભ્યોના 9 ભાષામાં શપથ
કેન્દ્રીય પ્રધાનો નિર્મલા સીતારમણ અને પીયૂષ ગોયલ સહિત રાજ્યસભામાં ચૂંટાયેલા 27 સભ્યોએ કાઉન્સિલ ઓફ સ્ટેટ્સના સભ્યો તરીકે શપથ લીધા. સાંસદ તરીકે પોતાની કામગીરી શરૂ કરતા પહેલા તમામ 27 સભ્યોએ રાજ્યસભાના અધ્યક્ષ એમ વેંકૈયા નાયડુની હાજરીમાં રાજ્યસભાની ચેમ્બરમાં બંધારણ પ્રત્યે વફાદારીના શપથ લીધા હતા.
શપથ લેનારા 27 સભ્યો 10 રાજ્યોના છે અને તેમણે નવ ભાષાઓમાં શપથ લીધા હતા. 12 સભ્યોએ હિન્દીમાં અને ચાર સભ્યોએ અંગ્રેજીમાં જ્યારે બે-બે સભ્યોએ સંસ્કૃત, કન્નડ, મરાઠી અને ઓડિયા ભાષાઓમાં શપથ લીધા હતા. એક-એક સભ્યએ પંજાબી, તમિલ અને તેલુગુમાં શપથ લીધા.
Senior Congress leader Jairam Ramesh, BJP's Nirmala Sitharaman take oath as they assume their Rajya Sabha membership pic.twitter.com/X13CZb6mvG
— ANI (@ANI) July 8, 2022
શપથ ગ્રહણ સમારોહ પછી કેટલાક નેતાઓ અને ગૃહના સભ્યો સાથેની વાતચીત દરમિયાન નાયડુએ સ્પષ્ટ કર્યું કે જે ચૂંટાયેલા સભ્યોએ શપથ લીધા નથી. તેઓ પણ 18 જુલાઈએ યોજાનારી રાષ્ટ્રપતિની ચૂંટણીમાં ભાગ લઈ શકે છે. આ સંબંધિત પ્રશ્નોના જવાબમાં નાયડુએ કહ્યું કે ઉમેદવારોને રાજ્યસભાની ચૂંટણીના વિજેતાઓની સૂચનાની તારીખથી ગૃહના સભ્ય માનવામાં આવે છે અને ગૃહની કાર્યવાહી અને સમિતિઓની બેઠકોમાં હાજરી આપતા પહેલા શપથ ગ્રહણ ફરજિયાત છે.
BJP's Piyush Goyal, and Dhananjay Mahadik take oath as they assume their Rajya Sabha membership pic.twitter.com/U4jFBM8YXj
— ANI (@ANI) July 8, 2022
જે લોકોએ આ રસ્તો અપનાવ્યો તેમાં જયરામ રમેશ, વિવેક ટંખા અને કોંગ્રેસના મુકુલ વાસનિક, BJPના સુરેન્દ્ર સિંહ નાગર, કે લક્ષ્મણ, કલ્પના સૈની અને લક્ષ્મીકાંત બાજપાઈનો સમાવેશ થાય છે. આ ઉપરાંત, રાષ્ટ્રીય લોકદળના જયંત ચૌધરી, બીજુ જનતા દળના સુલતાના દેવ અને અખિલ ભારતીય અન્ના દ્રવિડ મુનેત્ર કઝગમ, કે આર ધરમરેએ પણ સભ્યપદના શપથ લીધા.
AAP's Sant Balbir Singh and Congress's Mukul Wasnik take oath as they assume their Rajya Sabha membership pic.twitter.com/BHMkw8cqsx
— ANI (@ANI) July 8, 2022
કુલ 57 ચૂંટાયેલા સભ્યોમાંથી 14 સભ્યો એવા છે જેઓ ફરીથી રાજ્યસભામાં પાછા ફર્યા છે. સભ્યોને સંબોધતા અધ્યક્ષ નાયડુએ કહ્યું કે સંસદનું આગામી ચોમાસુ સત્ર કોવિડ-19ના નિયમોને અનુસરીને યોજાશે અને સભ્યોએ યોગ્ય અંતરનું પાલન કરવું પડશે. તેમણે સભ્યોને નિયમો અને સંમેલનોનું પાલન કરીને ગૃહની ગરિમા જાળવવા અને ગૃહમાં અર્થપૂર્ણ ચર્ચા કરવા હાંકલ કરી હતી. નાયડુએ નવા સભ્યોને તેમને મળેલી તકનો સદુપયોગ કરવા અને ગૃહની બેઠકોમાં નિયમિત હાજરી આપવા જણાવ્યું હતું.
