જાપાનના ટોક્યોમાં ટકરાયા 2 પેસેન્જર પ્લેન! 400 મુસાફરો હતા સવાર
આજે શનિવારે સવારે(10 જૂન) ટોક્યોના મુખ્ય એરપોર્ટ પર બે પેસેન્જર વિમાનો અથડાયા હતા, જોકે તેમાં કોઈ જાનહાનિના અહેવાલ નથી. જાપાની મીડિયા અનુસાર, બેંગકોક (થાઈલેન્ડ) જતી થાઈ એરવેઝની ઈન્ટરનેશનલ ફ્લાઈટ હનેડા એરપોર્ટ પર તાઈપેઈ જતી EVA એરવેઝની ફ્લાઈટ સાથે અથડાઈ હતી, જેના કારણે સત્તાવાળાઓએ રનવે બંધ કરી દીધો હતો. બંને પેસેન્જર પ્લેન એક જ રનવે પર ફસાયા હોવાના વીડિયો વાયરલ થયા હતા.
ઘણી ફ્લાઈટ્સ પડી મોડી
જોકે, આ ઘટના અંગે એરલાઈન્સ, એરપોર્ટ એડમિનિસ્ટ્રેશન કે જાપાનના ટ્રાન્સપોર્ટ મિનિસ્ટર તરફથી હાલમાં કોઈ ટિપ્પણી કરવામાં આવી નથી. આ ઘટના પાછળનું કારણ હજુ સ્પષ્ટ થયું નથી. જાપાની મીડિયામાં પ્રકાશિત અહેવાલો અનુસાર, અથડામણમાં વિમાનની એક તરફના પંખાને નુકસાન થયું હતું. આ ઘટનાને કારણે ઘણી ફ્લાઈટ્સ મોડી પડી હતી.
Thai AW Airbus A330-300 (HS-TEO) and Eva Air A330-300 (B-16340) received wing damage when Thai flight #TG683 for Bangkok taxied alongside stationary flight #BR189 for Taipei before line-up on runway 16R at Tokyo-Haneda Airport(RJTT), Japan. No one on both planes was hurt. https://t.co/YCwLWISGCF
— JACDEC (@JacdecNew) June 10, 2023
રનવે અસ્થાયી સમય સુધી કરાયો બંધ
આજે શનિવારે સવારે ટોક્યોના હેનેડા એરપોર્ટ પર 2 વિમાનો એકબીજા સાથે અથડાયા હતા, તેના કારણે ચાર રનવેમાંથી એક રનવે અસ્થાયી રૂપે બંધ થઈ ગયો હતો. આ ઘટના સવારે 11 વાગ્યે ટેક્સી વે પર બની હતી. મંત્રાલય અને ટોક્યો ફાયર વિભાગના જણાવ્યા અનુસાર દુર્ઘટનામાં સામેલ 2 વિમાનો થાઈ એરવેઝ અને તાઈવાનની ઈવીએ એરવેઝ દ્વારા સંચાલિત હતા. ઈવીએ એરલાઈન્સના એક મુસાફરે જણાવ્યું હતું કે, ‘થાઈ એરવેઝના પ્લેનની પાંખનો એક ભાગ તૂટી ગયો હતો.’
બંને પ્લેનમાં લગભગ 500 મુસાફરો હતા
થાઈ એરવેઝની ફ્લાઈટમાં લગભગ 260 મુસાફરો અને ક્રૂ મેમ્બર હતા, જ્યારે ઈવીએ એરવેઝની ફ્લાઈટમાં લગભગ 200 લોકો હતા, પર્યટન મંત્રાલયના જણાવ્યા અનુસાર. NHK એ અહેવાલ આપ્યો કે અસરગ્રસ્ત 3000 મીટર રનવે Aને બપોરે 1 વાગ્યા પછી ફરી ખોલવામાં આવ્યો હતો. આ ઘટનાને કારણે કેટલીક ફ્લાઈટ્સ મોડી પડી હોવાનું નોંધાયું હતું.
આ પણ વાંચો: મોઝામ્બિકનો Ruby Dimond કેમ આટલો મોંઘો વેચાયો?
