ઓબીસી, અનુસૂચિત જાતિ અને અનુસૂચિત જનજાતિના 19,000 થી વધુ વિદ્યાર્થીઓએ 2018 થી તમામ કેન્દ્રીય યુનિવર્સિટીઓ, ઇન્ડિયન ઇન્સ્ટિટ્યુટ ઑફ ટેક્નોલોજી અને ભારતીય પ્રબંધન સંસ્થાઓ(IIM)માંથી અભ્યાસ છોડી દીધો. આ માહિતી કેન્દ્રીય શિક્ષણ રાજ્ય મંત્રી સુભાષ સરકારે રાજ્યસભામાં એક લેખિત પ્રશ્નના લેખિત જવાબમાં આપી હતી. તમિલનાડુનું પ્રતિનિધિત્વ કરતા સંસદ સભ્ય તિરુચી સિવાએ સરકારને પાસ આઉટ થયેલા વિદ્યાર્થીઓની સંખ્યા વિશે પૂછ્યું હતું.
આ પણ વાંચો : સાંસદ સંજય રાઉતને જાનથી મારી નાખવાની ધમકી, લોરેન્સ બિશ્નોઈ ગેંગે કહ્યું – તેરા ભી મુસેવાલા…
છેલ્લા પાંચ વર્ષમાં IIT, IIM અને અન્ય કેન્દ્રીય યુનિવર્સિટીઓમાં અનુસૂચિત જાતિ, અનુસૂચિત જનજાતિ અને અન્ય પછાત વર્ગોના વિદ્યાર્થીઓની સંખ્યા પૂછવામાં આવી હતી. તેઓ એ પણ જાણવા માંગતા હતા કે આ ઉચ્ચ શૈક્ષણિક સંસ્થાઓમાં OBC, SC અને ST વિદ્યાર્થીઓના ડ્રોપઆઉટ દરના કારણો અંગે સરકારે કોઈ અભ્યાસ કર્યો છે કે કેમ. માહિતીમાં જણાવાયું હતું કે 3949 SC અને ST વિદ્યાર્થીઓએ 2018 થી 2023 દરમિયાન કેન્દ્રીય યુનિવર્સિટીઓમાંથી અભ્યાસ છોડી દીધો હતો. એટલે કે તેમણે પોતાનો અભ્યાસ અધવચ્ચે જ છોડી દીધો હતો. એ જ રીતે, 2544 OBC વિદ્યાર્થીઓ, 1362 SC અને 538 ST વિદ્યાર્થીઓએ IITનો અભ્યાસ અધવચ્ચે જ છોડી દીધો હતો. વધુમાં, છેલ્લા પાંચ વર્ષમાં 133 OBC, 143 SC અને 90 ST વિદ્યાર્થીઓએ IIM જેવી પ્રતિષ્ઠિત સંસ્થાઓમાંથી અભ્યાસ છોડી દીધો હતો.
