સંસદના શિયાળુ સત્રમાં ફોજદારી કાયદા સહિત 18 બિલ રજૂ કરાશે

નવી દિલ્હી, 30 નવેમ્બર: કેન્દ્ર સરકારે બુધવારે આવતા અઠવાડિયે શરૂ થઈ રહેલા સંસદના શિયાળુ સત્ર દરમિયાન 18 બિલોને સૂચિબદ્ધ કર્યા છે. આમાં જમ્મુ-કાશ્મીર અને પુડુચેરીમાં મહિલા આરક્ષણ કાયદાની જોગવાઈઓને વિસ્તારવા માટેના બે બિલ અને ફોજદારી કાયદાઓને બદલવા માટેના ત્રણ બિલનો સમાવેશ થાય છે.

ભારતીય દંડ સંહિતા, ફોજદારી પ્રક્રિયાની સંહિતા અને ભારતીય પુરાવા અધિનિયમ – ભારતીય ન્યાયિક સંહિતા બિલ, ભારતીય નાગરિક સંરક્ષણ સંહિતા બિલ અને ભારતીય પુરાવા બિલને બદલવા માટેના બિલો લોકસભામાં ચર્ચા અને પસાર થવા માટે સૂચિબદ્ધ છે.

શિયાળુ સત્ર 4 ડિસેમ્બરથી શરૂ થશે

સંસદનું શિયાળુ સત્ર 4 ડિસેમ્બરથી શરૂ થશે અને 22 ડિસેમ્બર સુધી ચાલશે. લોકસભા સચિવાલયના જણાવ્યા અનુસાર, સરકાર એવા બિલ લાવવાની યોજના બનાવી રહી છે જેમાં પ્રવાસી કાશ્મીરીઓ, ગુલામ જમ્મુ-કાશ્મીરમાંથી વિસ્થાપિત નાગરિકો તથા અનુસૂચિત જનજાતિઓને પ્રતિનિધિત્વ આપવા માટે જમ્મુ અને કાશ્મીર વિધાનસભામાં બેઠકોની સંખ્યા 107થી વધારીને 114 કરવા માટેની જોગવાઈ સામેલ છે.

નવા બિલ લોકસભામાં રજૂ કરવા માટે સૂચિબદ્ધ છે

બોઈલર બિલ, પ્રોવિઝનલ કલેક્શન ઓફ ટેક્સિસ બિલ, સેન્ટ્રલ ગુડ્સ એન્ડ સર્વિસ ટેક્સ (બીજો સુધારો) બિલ અને જમ્મુ અને કાશ્મીર રિઓર્ગેનાઈઝેશન (સુધારા) બિલ. યુનિયન ટેરિટરી ગવર્નમેન્ટ (સુધારા) બિલ, નેશનલ કેપિટલ ટેરિટરી ઓફ દિલ્હી લોઝ (સ્પેશિયલ પ્રોવિઝન્સ) સેકન્ડ (એમેન્ડમેન્ટ) બિલ અને સેન્ટ્રલ યુનિવર્સિટીઝ (સુધારા) બિલ પણ નવા બિલમાં સામેલ છે.

આ પણ વાંચો: સુરતમાં એથેર કંપનીમાં આગ લાગતા લાપતા 7 કામદારોના હાડપિંજર મળ્યા