..ત્યારે 167ના મૃત્યુ, આજે 18 લોકોએ ગુમાવ્યા જીવ, શું છે રહસ્ય, નેપાળના આ એરપોર્ટ પર કેમ લપસી જાય છે પ્લેન?
નવી દિલ્હી, 24 જુલાઈ : નેપાળના કાઠમંડુમાં ત્રિભુવન ઈન્ટરનેશનલ એરપોર્ટ (TIA)ના રનવે પર ફરી એકવાર પ્લેન ક્રેશ થયું છે. આ વિમાન દુર્ઘટનામાં 18 લોકોના મૃત્યુ થયા છે. નેપાળમાં સૌથી ભયાનક વિમાન દુર્ઘટના 1992માં થઈ હતી, જેમાં 167 લોકોના મૃત્યુ થયા હતા. વર્ષ 1992માં પાકિસ્તાન ઈન્ટરનેશનલ એરલાઈન્સના એક વિમાને કાઠમંડુમાં ઉતરવાનો પ્રયાસ કર્યો હતો, પરંતુ તે થઈ શક્યું ન હતું અને અકસ્માત થયો હતો. ત્રિભુવન એરપોર્ટ પર પ્લેન ક્રેશની લાંબી યાદી છે. આખરે, ત્રિભુવન એરપોર્ટ પર આટલા બધા વિમાનો કેમ ક્રેશ થાય છે? શું ત્રિભુવન એરપોર્ટના રનવેમાં કોઈ સમસ્યા છે?
ત્રિભુવન એરપોર્ટ હિમાલયની પર્વતમાળાથી ઘેરાયેલું છે
નેપાળ તેના સુંદર પર્વતો અને ખીણો માટે જાણીતું છે. અહીં ત્રિભુવન એરપોર્ટના માર્ગમાં ટેકરીઓ આવે છે. ત્રિભુવન એરપોર્ટ નેવિગેટ કરવા માટે વિશ્વના સૌથી મુશ્કેલ એરપોર્ટ પૈકી એક માનવામાં આવે છે. વાસ્તવમાં એરપોર્ટ અને તેની ભૌગોલિક સ્થિતિ એવી છે કે ત્યાં હંમેશા પ્લેન ક્રેશ થવાની શક્યતા રહે છે. ત્રિભુવન એરપોર્ટ મધ્ય નેપાળમાં કાઠમંડુ ખીણમાં સ્થિત છે, જે ચારે બાજુથી હિમાલય પર્વતમાળાથી ઘેરાયેલું છે. હિમાલય અહીંથી ઘણા કિલોમીટર દૂર સ્થિત છે, પરંતુ તેમની નિકટતા સ્થાનિક હવામાન, દિશા અને પવનની તીવ્રતાને નોંધપાત્ર રીતે અસર કરે છે. હિમાલયમાંથી આવતા પવનોને કારણે અહીંનું હવામાન ગમે ત્યારે બદલાઈ જાય છે. આ પવનો વિમાનના લેન્ડિંગ અથવા ટેકઓફને પણ અસર કરે છે.
આ પણ વાંચો : શંભુ બોર્ડર ખોલવાના આદેશ પર SCએ મૂક્યો પ્રતિબંધ, ખેડૂતોની માંગણીઓ માટે સમિતિ બનાવવાનો કર્યો નિર્દેશ
માત્ર એક રનવે, તે પણ ‘નાનો’
ત્રિભુવન એરપોર્ટ પર માત્ર એક રનવે છે. આવી સ્થિતિમાં એર ટ્રાફિકને મેનેજ કરવામાં ઘણી સમસ્યાઓનો સામનો કરવો પડે છે. આ ઉપરાંત આ એરપોર્ટની લંબાઈ પણ ચિંતાનો વિષય છે. તેની લંબાઈ અન્ય આંતરરાષ્ટ્રીય એરપોર્ટની તુલનામાં ઓછી છે. ત્રિભુવન એરપોર્ટનો રનવે અંદાજે 3,000 મીટર લાંબો છે, જ્યારે અન્ય સમાન એરપોર્ટ પર અંદાજે 3,500 મીટર લાંબો રનવે હોય છે. રનવેનું સ્થાન પણ વધુ ઉંચાઈ પર છે, જેના કારણે વિમાનોને ટેકઓફ અને લેન્ડ કરવામાં વધુ સમય લાગે છે. તેથી, નેપાળના ત્રિભુવન એરપોર્ટ પર માત્ર સારા અને અનુભવી પાઈલટોને જ વિમાન ઉડાડવાની મંજૂરી આપવામાં આવે છે.
નેપાળના મોટા વિમાન અકસ્માતો
28 સપ્ટેમ્બર 1992- પાકિસ્તાન ઇન્ટરનેશનલ એરલાઇન્સનું વિમાન એરબસ A300 લેન્ડિંગ દરમિયાન ક્રેશ થયું. આ પ્લેનમાં ક્રૂ મેમ્બર સહિત 167 લોકો સવાર હતા. આ તમામ વિમાન દુર્ઘટનામાં મૃત્યુ પામ્યા હતા. નેપાળના ઈતિહાસમાં આ સૌથી મોટી વિમાન દુર્ઘટના છે. 12 માર્ચ, 2018 – નેપાળના કાઠમંડુ એરપોર્ટ પર લેન્ડ કરતી વખતે 71 મુસાફરો અને ક્રૂને લઈ જતું વિમાન ક્રેશ થયું, જેમાં 49 લોકોના મૃત્યુ થયા. એરલાઈને આ માટે એર ટ્રાફિક કંટ્રોલને જવાબદાર ગણાવ્યું હતું. જોકે, એરપોર્ટે કહ્યું કે પ્લેન ખોટી દિશામાંથી આવ્યું હતું. 28 ઓગસ્ટ 2018- નેપાળના ઇન્ટરનેશનલ એરપોર્ટ પર પ્લેન ક્રેશ થયું, જેમાં 51 લોકોના મૃત્યુ થયા. કહેવાય છે કે પ્લેનનો કેપ્ટન ભાવનાત્મક રીતે વ્યથિત હતો. તપાસકર્તાઓએ જણાવ્યું કે કેપ્ટન આબિદ સુલતાન ફ્લાઈટ દરમિયાન રડ્યો કારણ કે એક સહકર્મીએ તેની કાર્યક્ષમતા પર સવાલ ઉઠાવ્યા હતા. 5 જાન્યુઆરી, 2023: યતિ એરલાઇન્સનું ATR72 વિમાન પોખરા નજીક એક ખાઈમાં ક્રેશ થયું, જેમાં સવાર તમામ 72 લોકોનાં મૃત્યુ થયાં હતા.
