ગાઢ ધુમ્મસના કારણે વિમાન સેવાઓ ખોરવાઈઃ 160 ફ્લાઈટ મોડી પડી, એરલાઈન્સે જારી કરી એડવાઈઝરી

• પ્રદૂષણ અને ધુમ્મસથી પીડિત દિલ્હીમાં ફ્લાઈટને ઘણી અસર પડી છે, ગાઢ ધુમ્મસને કારણે વિઝિબિલિટી ઓછી થઈ છે

નવી દિલ્હી, 18 નવેમ્બર: દિલ્હીમાં ગાઢ ધુમ્મસના કારણે વિમાન સેવાઓ ખોરવાઈઃ 160 ફ્લાઈટ મોડી પડી, એરલાઈન્સે જારી કરી એડવાઈઝરી છે. દિલ્હીની હવા આજે સોમવારે 18 નવેમ્બરની સવારે તેના સૌથી ખતરનાક સ્તરે છે. એર ક્વોલિટી ઈન્ડેક્સ (AQI) 481 પર પહોંચી ગયો છે. પ્રદૂષણ અને ધુમ્મસથી પીડિત દિલ્હીમાં ફ્લાઈટને ઘણી અસર પડી છે. ગાઢ ધુમ્મસને કારણે વિઝિબિલિટી ઓછી થવાથી દિલ્હીના ઈન્દિરા ગાંધી ઈન્ટરનેશનલ એરપોર્ટ પર સવારે 8.30 વાગ્યા સુધી લગભગ 160 ફ્લાઈટ્સ મોડી પડી હતી. ફ્લાઇટ-ટ્રેકિંગ વેબસાઇટ Flightradar24 અનુસાર, 118 ફ્લાઇટને પ્રસ્થાનમાં અને 43 ફ્લાઇટને આગમનમાં વિલંબ થયો હતો. પ્રસ્થાનમાં સરેરાશ 22 મિનિટનો વિલંબ નોંધવામાં આવ્યો હતો. ઓછી વિઝિબિલિટીના કારણે પાંચ ફ્લાઈટ્સ (જયપુર-04, દેહરાદૂન-01) ડાયવર્ટ કરવામાં આવી હતી.

Kind attention to all flyers!#Fog #FogAlert #DelhiAirport pic.twitter.com/FzggP0Rnou

— Delhi Airport (@DelhiAirport) November 18, 2024

DIALએ મુસાફરોને આપી સલાહ 

દિલ્હી ઇન્ટરનેશનલ એરપોર્ટ લિમિટેડ (DIAL)એ જણાવ્યું કે, ઓછી વિઝિબિલિટી પ્રક્રિયા ચાલુ છે, પરંતુ મુસાફરોને ખાતરી આપીએ છીએ કે, તમામ ફ્લાઇટ કામગીરી હાલમાં સામાન્ય છે. જો કે, મુસાફરોને અપડેટેડ ફ્લાઇટની માહિતી માટે તેમની એરલાઇન્સનો સંપર્ક કરવાની સલાહ આપવામાં આવે છે. અહેવાલ અનુસાર, સોમવારે સવારે દિલ્હી એરપોર્ટ પર 7 ફ્લાઈટ્સ રદ્દ કરવામાં આવી હતી કારણ કે ગાઢ ધુમ્મસને કારણે વિઝિબિલિટી ઘટી ગઈ હતી.

એરલાઇન્સ એલર્ટ પર 

એરલાઇન કંપનીઓએ તેમના મુસાફરોને ગાઢ ધુમ્મસને કારણે ફ્લાઇટમાં વિલંબ અંગે સલાહ આપી છે. ઇન્ડિગો એરલાઇન્સે મુસાફરી પર ધુમ્મસની અસરને સ્વીકારીને એડવાઇઝરી જારી કરી હતી. એરલાઈને ટ્વિટર પર એક પોસ્ટમાં કહ્યું કે, “ધુમ્મસ હજુ દિલ્હીની વિઝિબિલિટીને અસર કરી રહ્યું છે, જેના પરિણામે ટ્રાફિક ધીમો પડી શકે છે અને ફ્લાઈટના શેડ્યૂલમાં વિલંબ થઈ શકે છે. અમે તમારી મુસાફરી શરૂ કરતા પહેલા મુસાફરીના વધારાના સમય અને ફ્લાઇટની સ્થિતિ તપાસવાની ભલામણ કરીએ છીએ. સલામત યાત્રા!

#WeatherUpdate: Due to poor visibility in Delhi (DEL), all departures/arrivals and their consequential flights may get affected. Passengers are requested to keep a check on their flight status via https://t.co/qgJ2NF4QR5.

— SpiceJet (@flyspicejet) November 18, 2024

સ્પાઈસજેટે પણ આવી જ એડવાઈઝરી જારી કરી છે. તેમણે X પરની એક પોસ્ટમાં કહ્યું છે કે, દિલ્હીમાં નબળી વિઝિબિલિટીને કારણે, તમામ પ્રસ્થાન/આગમન અને તેની પરિણામી ફ્લાઇટ્સ પ્રભાવિત થઈ શકે છે. સ્પાઈસજેટના મુસાફરોને વિનંતી કરવામાં આવે છે કે તેઓ https://shorturl.at/6KfRe દ્વારા તેમની ફ્લાઇટની સ્થિતિ તપાસતા રહે.

દિલ્હીમાં પ્રદૂષણ ઘણું વધારે

18 નવેમ્બરની સવારે દિલ્હીની હવા તેના સૌથી ખતરનાક સ્તરે છે. એર ક્વોલિટી ઈન્ડેક્સ (AQI) 481 પર પહોંચી ગયો છે. આ અત્યાર સુધીની સૌથી ખરાબ શ્રેણી છે. પ્રદૂષણને કારણે બગડતી પરિસ્થિતિને ધ્યાનમાં રાખીને દિલ્હીમાં આજથી GRAP-4 લાગુ કરવામાં આવ્યો છે. GRAP-4 પ્રદૂષણના સ્તરની ગંભીર સ્થિતિને ધ્યાનમાં રાખીને કેટલાક કડક પગલાં લેવામાં આવ્યા છે. GRAP-4 હેઠળ ઘણા પ્રકારના નિયંત્રણો અને માર્ગદર્શિકા લાગુ છે.

આ પણ જૂઓ: બંગાળના મુર્શિદાબાદમાં બે સમૂહો વચ્ચે ભડકી હિંસા, કેટલાક વિસ્તારોમાં 163 લાગુ