ઉત્તરી ઇરાક યુનિવર્સિટીની ડોર્મિટરીમાં આગ લાગવાથી 14 વિદ્યાર્થીઓના મૃત્યુ, 18 ઘાયલ
- ઇરાકના એર્બિલમાં યુનિવર્સિટીની હોસ્ટલમાં ભીષણ આગ ફાટી નીકળી
- પ્રાથમિક તપાસમાં શોર્ટ સર્કિટને કારણે આગ લાગી હોવાનું અનુમાન
ઇરાક, 9 ડિસેમ્બર : ઇરાકના ઉત્તરી શહેર એર્બિલમાં યુનિવર્સિટી હોસ્ટેલમાં આગ લાગવાથી ઓછામાં ઓછા 14 લોકોના મૃત્યુ થયા છે અને 18 લોકો ઘાયલ થયા છે. આ ઘટના શુક્રવારે સાંજે બની હતી. સોરાનના આરોગ્ય નિર્દેશાલયના વડા કામરામ મુલ્લા મોહમ્મદના જણાવ્યા અનુસાર, એર્બિલની પૂર્વમાં આવેલા નાના શહેર સોરાનમાં એક બિલ્ડિંગ (હોસ્ટેલ)માં આગ લાગી હતી. સરકારી મીડિયાએ મૃત્યુઆંકની પુષ્ટિ કરી છે.
At least 14 dead in fire at northern Iraq university dormitory, reports Reuters
— ANI (@ANI) December 8, 2023
સ્થાનિક મીડિયાના અહેવાલ અનુસાર, શુક્રવાર રાત સુધીમાં આગ પર કાબૂ મેળવી લેવામાં આવ્યો હતો. પ્રાથમિક તપાસમાં આગનું કારણ શોર્ટ સર્કિટ હોવાનું કહેવાય છે. આ વિસ્તાર કુર્દીસ્તાન પ્રાંતમાં આવે છે. કુર્દીસ્તાનના વડાપ્રધાન મસરૂર બરઝાનીએ આ ઘટના અંગે તપાસ સમિતિની રચના કરી છે.
A #fire at a university dormitory housing lecturers and students near #Iraq’s northern city of #Erbil has left at least 14 people dead and 18 injured, the head of the local health directorate says.#BREAKING pic.twitter.com/a4DsaipFPo
— EUROPE CENTRAL (@Ddhirajk) December 8, 2023
ઇરાકમાં આગની ઘટનાઓ સામાન્ય
ઈરાકમાં ઈમારતોમાં આગ જેવી ઘટનાઓ અવારનવાર બને છે. સલામતીના નિયમોની અવગણના કરીને ત્યાં ઘણીવાર બાંધકામો કરવામાં આવે છે. આ ઉપરાંત ટ્રાન્સપોર્ટ સેક્ટરમાં પણ ઘણી બેદરકારી જોવા મળી રહી છે. ઈરાકમાં સરકારી તંત્રનું મૂળભૂત માળખું સતત તૂટી રહ્યું છે. દેશ દાયકાઓથી ભ્રષ્ટાચારથી પીડાઈ રહ્યું છે. જેનું પરિણામ દેશની વસ્તી ભોગવી રહી છે.
અકસ્માતોથી ભરેલો ભૂતકાળ
ઈરાકમાં આગની ઘટનાઓ સામાન્ય છે. જો કે આ ઘટનાઓ કોઈપણ દેશમાં બની શકે છે, પરંતુ ઈરાકમાં આવા અકસ્માતોમાં લોકો સૌથી વધુ જીવ ગુમાવે છે. આ વર્ષે સપ્ટેમ્બરમાં ઉત્તરી ઈરાકી શહેર કારાકાસના એક ફંક્શન હોલમાં લગ્ન દરમિયાન લાગેલી આગમાં લગભગ 100 લોકોના મૃત્યુ થયા હતા. આ ઘટનાની તપાસમાં બહાર આવ્યું છે કે બિલ્ડિંગમાં કોઈ ઈમરજન્સી એક્ઝિટ ન હતી. જ્યારે તપાસ અધિકારીઓએ જણાવ્યું હતું કે, સુરક્ષા નિયમોની અવગણના કરીને બિલ્ડિંગનું નિર્માણ કરવામાં આવ્યું હતું.
આ પણ જુઓ :ઈરાકમાં લગ્ન સમારોહ માતમમાં ફેરવાયો, આગ લાગવાથી 100થી વધુનાં મૃત્યુ તો 150 ઘવાયા
