મુંબઈ, 08 ફેબ્રુઆરી: ’12th Fail’ એક્ટર વિક્રાંત મેસી અને પત્ની શીતલ ઠાકુરનું ઘર બાળકની કિલકારીથી ગુંજી ઉઠ્યું છે. આ ખુશખબરીને ખુદ કપલે સોશિયલ મીડિયા પર ફેન્સ સાથે શેર કરી છે. વિક્રાંત મેસી અને શીતલ ઠાકુરે ઇન્સ્ટાગ્રામ પર એક કમબાઇન્ડ પોસ્ટ શેર કરતાં લખ્યું કે, અમે ફરીવાર એક થઈ ગયા છે. અમારા બાળકના વેલકમની જાણકારી આપતાં અમે ખૂબ ખુશ છીએ. જો કે, સેલેબ્સ કપલે અત્યાર સુધી તેમના ન્યૂ બોર્ન બેબી બૉયની તસવીર એનાઉસમેન્ટ પોસ્ટમાં શેર કરી નથી.
View this post on Instagram
સેલેબ્રિટિઝે વિક્રાંત અને શીતલને શુભેચ્છા પાઠવી
આ પોસ્ટ શેર કરતાં જ સેલિબ્રિટિઝ અને ફેન્સે હાર્ટ ઇમોજી દ્વારા કમેન્ટ્સમાં શુભેચ્છા પાઠવી હતી. કમેન્ટ્સમાં ભૂમિ પેડણેકર, શોભિતા ધુલીપાલા, તાહિરા કશ્યપ, રસિકા દુગ્ગલ, સુરભી જ્યોતિ, મનીષ મલ્હોત્રા, નીતિ મોહન, ઝોયા અખ્તર અને વાણી કપૂર જેવા સ્ટાર્સે હાર્ટ ઇમોજીસ સાથે અભિનંદન આપ્યા હતા. વિક્રાંત અને શીતલ લગભગ 10 વર્ષ સુધી એકબીજાને ડેટ કર્યા પછી 18 ફેબ્રુઆરી, 2022ના રોજ લગ્ન કર્યા હતા. દંપતીએ દેહરાદૂનમાં શીતલના પૈતૃક ઘરે સાદગીથી લગ્નના બંધનમાં બંધાયા હતા. આ ઉપરાંત, કપલે ઈન્સ્ટાગ્રામ પર 24 સપ્ટેમ્બર 2023ના રોજ એનાઉસમેન્ટ કરી હતી કે, તેઓ માતા-પિતા બનવા જઈ રહ્યા છે. હવે તેમના ઘરે નવજાતનું ઘોડિયું બંધાયું છે.
12th Failએ 70 કરોડ રૂપિયાનું કલેક્શન કર્યું
નોંધનીય છે કે વિક્રાંતની તાજેતરમાં રિલીઝ થયેલી ’12th Fail’એ 20 કરોડ રૂપિયાના બજેટ સાથે 70 કરોડ રૂપિયાનું કલેક્શન કર્યું હતું. આ ફિલ્મનું નિર્દેશન વિધુ વિનોદ ચોપરા દ્વારા કરવામાં આવ્યું હતું, જે IPS અધિકારી મનોજ કુમાર શર્માની UPSC પરીક્ષા પાસ કરવાની સફર છે. ફિલ્મમાં વિક્રાંત સાથે મેધા શંકર, સંજય બિશ્નોઈ અને હરીશ ખન્ના જેવા કલાકારો જોવા મળ્યા હતા. આ ફિલ્મને સ્વતંત્ર નોમિનેશન તરીકે ઓસ્કાર 2024 માટે મોકલવામાં આવી છે. જ્યારે ફિલ્મને કમલ હાસન, ઋષભ શેટ્ટી, સંજય દત્ત, ફરહાન અખ્તર અને અનિલ કપૂર સહિત અન્ય કલાકારોની પ્રશંસા મળી છે.
આ પણ વાંચો: વિક્રાંત મેસીની ફિલ્મ ’12th Fail’એ બનાવ્યો નવો રેકોર્ડ
