12મી સદીની ભગવાન મુરુગનની પ્રાચીન મૂર્તિ તમિલનાડુમાં મળી આવી

• 150 કિગ્રા વજન અને 3.5 ફૂટ ઊંચી આ મૂર્તિ ભગવાન મુરુગનને ‘બ્રહ્મસ્થ’ તરીકે દર્શાવે છે

ચેન્નઈ, 16 માર્ચ: તામિલનાડુમાં તિરુવલંગડુ નજીક કોસસ્થલાઈયર નદીના કિનારે રમી રહેલાં બાળકોના એક જૂથને ભગવાન મુરુગન વિગ્રહની 12મી સદીની ચોલ યુગની દુર્લભ મૂર્તિ મળી આવી હતી. 150 કિગ્રા વજન અને 3.5 ફૂટ ઊંચી આ મૂર્તિમાં વિશિષ્ટ વિશેષતાઓ અને કલોસ-અપ (નજીક)ની કલાકૃતિ સાથે ભગવાન મુરુગનને ‘બ્રહ્મસ્થ’ તરીકે દર્શાવવામાં આવ્યા છે. પુરાતત્વ વિભાગે પ્રતિમાને સાચવીને લોકોના દર્શન માટે રાખી દીધી છે.

The ancient God with an intact three & a half feet idol of Murugan Vigraha was discovered by a group of boys playing in the Kosasthalaiyar river near Thiruvalangadu, TN yesterday

This seems to be a very rare form of Murugan- Brahmasastha, with Japamala & Kamandala and appears to… pic.twitter.com/poXK9tqbSh

— Megh Updates 🚨™ (@MeghUpdates) March 15, 2024

ભગવાન મુરૂગનની પ્રાચીન મૂર્તિ માળા અને કમંડલથી શણગારેલી!

ભગવાન મુરૂગનની સાડા ત્રણ ફૂટની પ્રાચીન મૂર્તિ, જે માળા અને કમંડલથી શણગારેલી છે, તે બ્રહ્મસ્થ નામના દેવતાનું ભાગ્યે જ જોવા મળતું સ્વરૂપ દર્શાવે છે, તે ચોલ યુગની હોવાનું માનવામાં આવે છે. મુરુગનનું આ નિરૂપણ બ્રહ્માની રચનાત્મક ફરજો નિભાવવામાં તેમની ભૂમિકાનું પ્રતીક છે.

મૂર્તિનું નજીકથી નિરીક્ષણ કરતાં માથા પર મુગટથી શણગારેલી આ મૂર્તિને ચાર હાથ અને બે પગ છે. નદી કિનારે મળી આવેલી ભગવાન મુરુગન-સંબંધિત આ કલાકૃતિ પુરાતત્વીય સ્થળની શોધની શક્યતા દર્શાવે છે. આ અદ્ભુત શોધ સૂચવે છે કે, આ પ્રતિમા સામાન્ય રીતે બ્રહ્માને સોંપવામાં આવતી સૃષ્ટિની જવાબદારીઓ નિભાવવામાં મુરુગનની ભૂમિકાનું પ્રતિનિધિત્વ કરે છે, જે હિન્દુ પૌરાણિક કથાના એક મહત્ત્વનાં પાસાંને દર્શાવે છે.

પ્રતિમાની રચના 12મી સદીની હોવાનો અંદાજ

પ્રતિમાના સંરક્ષણની દેખરેખ રાખતા તહસીલદાર મથિયાલગને લોકોને ખાતરી આપી હતી કે પુરાતત્વ વિભાગ વધુ તપાસ અને સંરક્ષણ પ્રયાસો માટે પ્રતિમાનો કબજો લેશે. પ્રતિમાને રેવન્યુ ગેલેરીમાં સુરક્ષિત સ્થાન પર સ્થાનાંતરિત કરવાની યોજનાઓ ચાલી રહી છે, તેની સલામતી અને જાહેર દર્શન માટે સુલભતા સુનિશ્ચિત કરવામાં આવી રહી છે. પુરાતત્વવિદોનો અંદાજ છે કે પ્રતિમાની રચના 12મી સદીની છે.

આ પણ જુઓ: પૂજા પાઠ દરમિયાન શ્રીફળ કેમ વધેરવામાં આવે છે? કેમ સ્ત્રીઓ માટે અશુભ?