75મો પ્રજાસત્તાક દિવસ: 1132 જવાનોને વીરતા અને સેવા પુરસ્કારથી સન્માનિત કરાશે
નવી દિલ્હી, 25 જાન્યુઆરી: આ વર્ષના પ્રજાસત્તાક દિવસના અવસર પર જે અધિકારીઓને વીરતા અને સેવા મેડલ એનાયત કરવામાં આવશે તેમની યાદી જાહેર કરવામાં આવી છે. કેન્દ્રીય ગૃહ મંત્રાલય દ્વારા માહિતી આપવામાં આવી છે કે ગણતંત્ર દિવસ 2024ના અવસર પર પોલીસ, ફાયર સર્વિસ, હોમગાર્ડ અને સિવિલ ડિફેન્સ અને રિફોર્મ સર્વિસના કુલ 1132 જવાનોને શૌર્ય અને સેવા મેડલથી સન્માનિત કરવામાં આવશે.
On the occasion of the Republic Day 2024, a total of 1132 personnel of Police, Fire Service, Home Guard and Civil Defence and Correctional Service have been awarded Gallantry and Service Medals: MHA pic.twitter.com/peVuRfLoy8
— ANI (@ANI) January 25, 2024
આ પુરસ્કારો પૈકી, બે કર્મચારીઓને રાષ્ટ્રપતિ દ્વારા આપવામાં આવેલા રાષ્ટ્રપતિ વીરતા પુરસ્કાર (PGM) થી સન્માનિત કરવામાં આવશે. 275 કર્મચારીઓને વીરતા પુરસ્કાર (GM) આપવામાં આવશે. આ કુલ 277 શૌર્ય પુરસ્કાર પ્રાપ્તકર્તાઓમાંથી, મહત્તમ 119 કર્મચારીઓને માઓવાદ અને નક્સલવાદથી પ્રભાવિત વિસ્તારોમાં તૈનાત કરવામાં આવ્યા છે. આ સિવાય 133 જવાનો જમ્મુ-કાશ્મીર ક્ષેત્રના છે. સાથે જ અન્ય વિસ્તારના 25 જવાનોને પણ તેમની બહાદુરી બદલ સન્માનિત કરવામાં આવશે.
Out of 102 President’s Medal for Distinguished Service (PSM), 94 have been awarded to Police Service, 4 to Fire Service and 4 to Civil Defence& Home Guard Service.
Out of 753 Medal for Meritorious Service (MSM), 667 have been awarded to Police Service, 32 to Fire Service, 27…
— ANI (@ANI) January 25, 2024
કયા રાજ્યને કેટલા વીરતા પુરસ્કાર મળશે?
275 વીરતા પુરસ્કારોમાંથી, મહત્તમ 72 વીરતા પુરસ્કારો જમ્મુ અને કાશ્મીર પોલીસ કર્મચારીઓને આપવાની જાહેરાત કરવામાં આવી છે. આ પછી બીજા નંબરે છત્તીસગઢ છે જ્યાં 26 જવાનોને આ સન્માન મળશે. ત્યારબાદ ઝારખંડના 23, મહારાષ્ટ્રના 18, ઓડિશાના 15, દિલ્હીના 8, CRPFના 65 અને SSB-CAPF અને અન્ય રાજ્ય-કેન્દ્ર શાસિત પ્રદેશ સેવાઓના 21 જવાનોને વીરતા પુરસ્કાર આપવામાં આવશે.
આ વીરતા પુરસ્કારો ઉપરાંત રાષ્ટ્રપતિ દ્વારા વિશિષ્ટ સેવા બદલ 102 મેડલ આપવામાં આવશે. જેમાં પોલીસ સેવાને ચાર, ફાયર સર્વિસને ચાર, સિવિલ ડિફેન્સ અને હોમગાર્ડ સેવાને 94 મેડલ આપવાની જાહેરાત કરવામાં આવી છે. રાષ્ટ્રપતિના વિશેષ સેવા પુરસ્કારો ઉપરાંત 753 પુરસ્કારો પણ શ્રેષ્ઠ સેવા માટે જાહેર કરવામાં આવ્યા છે. જેમાં 667 પોલીસ સેવા, 32 ફાયર સર્વિસ, 27 સિવિલ ડિફેન્સ-હોમગાર્ડ સર્વિસ અને 27 સુધારાત્મક સેવા કર્મચારીઓને આપવાની જાહેરાત કરવામાં આવી હતી.
આ પણ વાંચો: ગણતંત્ર દિવસ પર ફ્રાન્સના પ્રમુખ મેક્રો બનશે ભારતના મુખ્ય મહેમાન
