અમદાવાદ આંતરરાષ્ટ્રીય ઉત્તર ગુજરાત કચ્છ - સૌરાષ્ટ્ર ગુજરાત ટોપ ન્યૂઝ ટ્રેન્ડિંગ દક્ષિણ ગુજરાત નેશનલ મધ્ય ગુજરાત વર્લ્ડ

અમેરિકાથી મોકલાયેલા 33 ગુજરાતીઓ સહિત 112 ભારતીયો પરત આવ્યા, 4 અમદાવાદ પહોંચ્યા

Parth Dhokiya અમદાવાદLast Updated: ફેબ્રુવારી 17, 2025

450 1 minute read

અમદાવાદ, 17 ફેબ્રુઆરી, 2025 : અમેરિકાથી દેશનિકાલ કરાયેલા ગેરકાયદેસર ભારતીય ઈમિગ્રન્ટ્સને લઈને ત્રીજી ફ્લાઈટ રવિવારે અમૃતસર પહોંચી હતી. અમેરિકામાંથી વધુ 112 ભારતીયોને દેશનિકાલ કરવામાં આવ્યા હતા. અમેરિકન એરફોર્સનું એરક્રાફ્ટ RCH869 મોડી રાત્રે અમૃતસર એરપોર્ટ પર ઉતર્યું હતું. . જેમાં 33માંથી 4 અમદાવાદ આવી ચૂક્યા છે અને ઔપચારીક વિધિ બાદ તેમને વતન રવાના કરી દેવાયા છે. જ્યારે બાકીના 29 સાંજ સુધીમાં પહોંચવાની વકી છે. ગુજરાતીઓને આજે અમદાવાદ લાવવામાં આવશે. જેમાં સૌથી વધુ અમદાવાદના 9 અને ગાંધીનગરથી આઠ લોકોનો સમાવેશ થાય છે.

ત્રીજી ફ્લાઇટમાં આવેલા લોકોમાં સૌથી વધુ સંખ્યા હરિયાણા (44)ના હતા, ત્યારબાદ ગુજરાત (33) અને પંજાબ (31) હતા. બાકીના લોકો ઉત્તર પ્રદેશ, હિમાચલ પ્રદેશ અને ઉત્તરાખંડના હતા. નોંધનીય છે કે અમૃતસરથી દેશનિકાલ કરાયેલા 33 ગુજરાતીઓને બે ફ્લાઈટમાં અમદાવાદ લાવવામાં આવ્યા છે

ઉલ્લેખનીય છે કે, શનિવાર, 15 ફેબ્રુઆરીના રોજ, યુએસ એરફોર્સની બીજી ફ્લાઈટ મોડી રાત્રે અમૃતસર એરપોર્ટ પર ઉતરી હતી, જેમાં દેશનિકાલ કરાયેલા 116 ભારતીયોને લઈ જવામાં આવ્યા હતા. તેમાંથી 60 થી વધુ પંજાબના, 30 થી વધુ હરિયાણાના અને 8 ગુજરાતના હતા. અન્ય ઉત્તર પ્રદેશ, ગોવા, મહારાષ્ટ્ર, રાજસ્થાન, હિમાચલ પ્રદેશ અને જમ્મુ અને કાશ્મીરના હતા. મોટા ભાગના દેશનિકાલ 18 થી 30 વર્ષની વચ્ચેના હતા.

ટ્રમ્પની આગેવાની હેઠળના વહીવટીતંત્રે 5 ફેબ્રુઆરીએ યુ.એસ.માંથી ગેરકાયદેસર ઇમિગ્રન્ટ્સની પ્રથમ ફ્લાઇટને દેશનિકાલ કરવામાં આવી હતી, જેમાં 104 દેશનિકાલ કરાયેલા ભારતીયો હતા. આ ફ્લાઇટમાં મોટાભાગના મુસાફરો પંજાબ અને ગુજરાતના હતા. ઉલ્લેખનીય છે કે અમેરિકાથી ત્રણ વિમાનોમાં કુલ 78 ગુજરાતીઓને અત્યાર સુધી ડિપોર્ટ કરવામાં આવ્યા છે. જેમાં પહેલી ફ્લાઇટમાં 37, બીજીમાં 8 અને ત્રીજી ફ્લાઇટમાં ફરી 33 લોકોને અમૃતસર ડિપોર્ટ કરાયા હતા.

યુએસથી ત્રીજી ફ્લાઇટમાં દેશનિકાલ કરાયેલા ગુજરાતીઓની યાદી