વેસ્ટન રેલવેની લાઈન પર આજે વહેલી સવારે મોટી દુર્ઘટના સામે આવી છે. જેમાં મહારાષ્ટ્રના બાંદ્રાથી જોધપુર જઈ રહેલી સૂર્યનગરીન એક્સપ્રેસના 11 ડબ્બા પાટા પરથી ઉતરી ગયા હતા. જો કે પ્રારંભિક માહિતી અનુસાર કોઈ પણ જાનહાનિ થઈ નથી પરંતુ 20થી વધુ લોકો ઈજાગ્રસ્ત થયા છે અને તેમની સારવાર ચાલી રહી છે.
Pali, Rajasthan | 8 coaches of Bandra Terminus-Jodhpur Suryanagari Express train derailed between Rajkiawas-Bomadra section of Jodhpur division at 3.27am today. No casualty reported. An accident relief train has been dispatched from Jodhpur by Railways:CPRO, North Western Railway
— ANI MP/CG/Rajasthan (@ANI_MP_CG_RJ) January 1, 2023
નોર્થ વેસ્ટર્ન રેલવેના જણાવ્યા અનુસાર,અકસ્માતની માહિતી મળતા જ જોધપુરથી રાહત ટ્રેનને ઘટનાસ્થળે રવાના કરવામાં આવી છે. પાટા પરથી ડબ્બા ખડી પડવાની ઘટના મધ્યરાત્રીના સાડા ત્રણ વાગ્યે થઈ હતી. બાંદ્રા ટર્મિનસથી જોધપુર જતી સૂર્યનગરી એક્સપ્રેસ તેના સમય પર દોડી રહી હતી.
11 coaches were impacted due to derailment of Bandra Terminus-Jodhpur Suryanagari Express train. No casualties reported yet. Higher officials have reached spot. Buses have been arranged for stranded passengers so that they can reach their destinations: CPRO, North Western Railway pic.twitter.com/U4ZoM1YlrI
— ANI MP/CG/Rajasthan (@ANI_MP_CG_RJ) January 2, 2023
આ અંગે નોર્થ વેસ્ટર્ન રેલવેના સીપીઆરઓએ કહ્યું કે, અકસ્માતની જાણકારી ઉચ્ચ અધિકારીઓને આપવામાં આવી છે. તેઓ પણ ઘટનાસ્થળે પહોંચ્યા છે. જનરલ મેનેજર-ઉત્તર પશ્ચિમ રેલવે અને અન્ય ઉચ્ચ અધિકારીઓ જયપુરમાં હેડક્વાર્ટર સ્થિત કંટ્રોલ રૂમમાંથી પરિસ્થિતિ પર નજર રાખી રહ્યા છે. રેસ્ક્યૂ ટીમ ઘટનાસ્થળે પહોંચી ગઈ છે. ઘાયલ લોકોને તાત્કાલિક સારવાર માટે મોકલવામાં આવ્યા છે.
અત્યાર સુધીમાં ચાર ટ્રેનો ડાયવર્ટ
આ દુર્ઘટના બાદ ચાર ટ્રેનને ડાયવર્ટ પણ કરવામાં આવી છે. જ્યારે સૂર્યનગરી એક્સપ્રેસના મુસાફરોને સુરક્ષિત સ્થાન પર લઈ જવામાં આવી રહ્યા છે. આ પછી રેલ લાઇન ખાલી કરાવવામાં આવશે. તે જ સમયે, બચાવ કામગીરી પૂર્ણ થયા બાદ આ માર્ગને બ્લોક કરી દેવામાં આવ્યો છે.
રેલવેએ હેલ્પલાઈન નંબર જારી કર્યા છે
જોધપુર: 0291- 2654979(1072), 0291- 2654993(1072), 0291- 2624125, 0291- 2431646
પાલી મારવાડ: 0293- 2250324, 0293- 2250138, 0293- 2251072
આ પણ વાંચો : જમ્મુ-કાશ્મીરના રાજૌરીમાં આતંકીઓએ ગોળીબાર કર્યો, 3ના મોત, 7 ઘાયલ
